Atalanta ka arritur një fitore të madhe me përmbysje ndaj Chelseas me rezultat 2:1 në sfidën e xhiros së gjashtë në Ligën e Kampionëve.

Chelsea e nisi më mirë takimin dhe kaloi në avantazh në minutën e 26-të, kur Joao Pedro shënoi nga një asist i Reece James, shkruan Arbresh.info.

Ky gol u rishkua edhe nga VAR-i që konfirmoi se shënimi ishte i rregullt.

Blutë patën disa raste të mira në pjesën e parë, sidomos me Jamie Gittens dhe Reece James, por mungesa e saktësisë i la me vetëm një gol në 45 minutat e para.

Atalanta reagoi fuqishëm në pjesën e dytë. Në minutën e 55-të, Charles De Ketelaere harkoi bukur në zonë dhe Gianluca Scamacca shënoi me kokë për 1:1.

Presioni i vendasve vazhdoi dhe shpërbleu në minutën e 83-të, kur një goditje e De Ketelaere u devijua dhe përfundoi në rrjetë, duke përmbysur rezultatin në 2:1.

Deri në fund gola të tjerë nuk pati dhe Atalanta arkëtoi tre pikë të mëdha ku tashmë ngritët në pozitën e katërt me 13 sosh, teksa Chelsea mbetet i 10-ti me dhjetë pikë.

Ndeshjen e radhës skuadra e Gjimshitit e luan ndaj Bilbaos, kurse “Blutë e Londrës” përballen me Pafosin./Arbresh.info